कोपरगाव : स्तनाचा कर्करोग जागरूकता महिन्यानिमित्त रुबी हॉल क्लिनिकच्या वतीने नुकतेच अहमदनगर जिल्ह्यातील कोपरगाव येथील के. जे. सोमैया कला, वाणिज्य व विज्ञान महाविद्यालयात कर्करोग तपासणी आणि जागरूकता शिबिराचे आयोजन करण्यात आले होते. सुमारे २५० महिला, मुलींनी या शिबिराचा लाभ घेतला.
महाविद्यालयात शिकणाऱ्या मुलींसाठी आणि त्यांच्या कुटुंबातील सदस्यांसाठी हे शिबिर आयोजित करण्यात आले होते. या शिबिरामध्ये स्तन कर्करोगासह, मुख कर्करोग आणि गर्भाशयातील कर्करोगाची तपासणी करण्यात आली. रुबी हॉल क्लिनिकच्या डॉ. शिल्पी डोळस, तृप्ती ठाणेकर, शुभदा क्रूझ, मेधा नाटेकर, श्रीहरी शिंदे आदी या वेळी उपस्थित होते.
