व्यक्तिमत्त्व विकास हा आधुनिक काळातील परवलीचा शब्द आहे. व्यक्तिमत्त्व विकास हा यशाकडे जाण्याचा एक मार्गही आहे. त्यामुळे विनोद बिडवाईक यांचे हे पुस्तक त्या दृष्टीने मार्गदर्शन करते. एखाद्याचे अनुकरण करणे म्हणजे व्यक्तिमत्त्व सुधारणे नव्हे, असे त्यांनी म्हटले आहे. व्यक्तिमत्त्वाचे एकूण चार भाग पाडलेले आहेत, हे माहिती करून घेऊन आधी स्वतःला समजावून घ्यायला हवे, असे ते म्हणतात.
आपला स्वभाव कसा आहे आणि त्यात कोणता बदल करायला हवा, हे जाणून घ्यायला हवे. मेंदूला थोडा खुराक द्या, ध्येय निश्चित करा, असा सल्ला ते देतात. माणसे जोडणे आणि त्यांना सांभाळणे ही एक कला आहे. याच पद्धतीने अपयश आले, तर त्याला सामोरे जाण्यासाठी मनोधैर्य लागते, अशा मुद्द्यांवर पुस्तकात चर्चा केली आहे.
प्रकाशक : बोहोसोल पब्लिकेशन
पाने : १२१
किंमत : १७५ रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)