नागपूर : येथील सामाजिक कार्यकर्त्या डी. बी. एस. एस. सोशल फाउंडेशनच्या अध्यक्षा, बचतगट महिला महासंघाच्या अध्यक्षा व दि विदर्भ प्रीमियर को-ऑप. हाऊसिंग सोसायटी च्या संचालिका श्रीमती करुणा चिमणकर यांना महाराष्ट्र शासनातर्फे डॉ. बाबासाहेब आंबेडकर समाज उत्थान पुरस्कार - २०१७ देण्यात आला आहे.
कोल्हापूरमधील केशवराव भोसले नाट्यगृहात पार पडलेल्या या कार्यक्रमात महाराष्ट्र राज्याचे समाजकल्याणमंत्री राजकुमार बडोले यांच्या हस्ते मानपत्र, स्मृतिचिन्ह व नगदी पुरस्कार देऊन करुणा चिमणकर यांचा गौरव करण्यात आला. दिन-दुबळे-दलित, शोषित यांच्या विकासासाठी प्रयत्न केल्यामुळे त्यांना हा पुरस्कार देण्यात आला. याप्रसंगी दिलीप कांबळे, राज्यमंत्री चंद्रकांतदादा पाटील, दिनेश वाघमारे हे उपस्थित होते.
डॉ. बाबासाहेब आंबेडकर समाज उत्थान पुरस्कार प्राप्त झाल्याबाबत आमदार विकास कुंभारे, आमदार नामो माणार, माजी महापौर प्रवीण दटके, महाल झोनच्या सभापती सुमेधा देशपांडे, नगरसेविका स्नेहा वाघमारे, नगरसेवक बंटी शेळके, रत्नमाला मेश्राम, ममता गेडाम, राजु कोसे, निलेश खैर, शालिनी सक्सेना, अभय बावणे, विजय धाबर्डे, सोनु देशपांडे, राजेश भालेराव, संजय घाटोळे, सुजाता वासनिक, अनिता बागडे यांनी करुणा चिमणकर यांचे अभिनंदन केले.
