निरोगी शरीरसंपदा ही देणगी असली, तरी टिकविणे आपल्या हातात असते. यासाठी व्यायाम व आहाराला महत्त्व आहे; पण तरी कधीकधी किरकोळ दुखणे होते. कधी गंभीर आजार जडावतात. त्यामुळे औषधोपचार करणे ओघाने येतेच. यासाठी विविध वनस्पतींचा वापर केलेली आयुर्वेदिक औषधे व त्यांचे गुणधर्म, ती बनविण्याची पद्धत, औषधे वापरण्याचे प्रमाण याची माहिती प्रा. डॉ. पां. ह. कुलकर्णी यांनी ‘होण्या बरे- गोळ्या चूर्णे’मधून केली आहे.
स्वरस, कल्क, हिम, फांट, क्षीरपाक, पाक, लेप, औषधी तूप, पोटीस यांची माहिती देत औषधांची सूची, विविध चुर्णांची नावे दिली आहेत. एकेरी, मिश्र, गुटिका वटी, गोळ्या, सुवर्णयुक्त औषधे, तेले आदी प्रकरणांमध्ये त्यांतील घटकद्रव्ये, उपयुक्तता, ते घेण्याचे प्रमाण, घटकद्रव्यांचा उल्लेख व त्यावर टिप्पणी दिली आहे. संबंधित औषधांवरील संशोधनाची माहितीही दिली आहे.
पुस्तक : होण्या बरे- गोळ्या चूर्णे
लेखक : डॉ. पां. ह. कुलकर्णी
प्रकाशक : दीर्घायु इंटरनॅशनल
पाने : १४८
किंमत : २५० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)