हिंदू धर्मात १८ मोठ्या पुराणापैकी एक आहे गरुड पुराण. विष्णू हा याच्या केंद्रस्थानी आहे. यात १९ हजार श्लोक आहेत, असे परंपरेने मानले जाते; पण आज जी हस्तलिखिते उपलब्ध आहेत, त्यात आठ हजार श्लोक आहेत. या पुराणाची, तसेच मरण, भगवद्गीता आणि पुराणांतील लिखाण याबद्दल प्रा. डॉ. पांडुरंग हरी कुलकर्णी यांनी ‘महापुराण उपदेश’मधून सोप्या भाषेत माहिती दिली आहे.
गरुड पुराणात उल्लेख आलेले विविध विषय, या पुराणाची रचना, त्यातील विविध अध्यायांचा थोडक्यात परिचय करून दिला आहे. गीतेचा पंधरावा अध्याय, कठोपनिषदातील श्लोकांचा मराठीत अर्थ, मरणाविषयीचे विचार, काही अनुभव, मृत्यू येतानाची लक्षणेही सांगितली आहेत. पुराणे म्हणजे काय, महापुराणांची यादी, पुराणांमधून आयुर्वेदाबद्दलची माहिती, मृत्यू मुहूर्त, वर्षश्राद्ध व शेवयांची आदी छोटे लेखही यात आहेत.
पुस्तक : महापुराण उपदेश
लेखक : पांडुरंग कुलकर्णी
प्रकाशक : दीर्घायू इंटरनॅशनल
पाने : १२०
किंमत : २०० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)
