आज (१४ मे) छत्रपती संभाजी महाराजांची जयंती. त्या निमित्ताने, ‘खरा संभाजी’ या पुस्तकाचा अल्प परिचय...
.......
छत्रपती शिवाजी महाराज यांचे पुत्र संभाजी महाराज यांचे जीवन अनेक घटनांनी भरलेले आहे. शंभू महाराजांना लहानपणापासून युद्धकलेचे धडे मिळालेच, शिवाय शत्रूला  कसे खेळवायचे, नामोहरम करायचे हेही ते शिकले. स्वराज्यासाठी त्यांनी प्राणार्पणही केले. स्वराज्याचा छावा असलेल्या संभाजी राजांचे चरित्र प्रा. नामदेवराव जाधव यांनी ‘खरा संभाजी’मधून कथन केले आहे.

प्रथम युवराज संभाजी यांचा परिचय करून देत औरंगजेब व संभाजी महाराज यांची तुलना, औरंगजेबापेक्षा लष्करी व आर्थिक ताकद कमी असतानाही दिलेला लढा, औरंगजेबाचा मुलगा अकबर व संभाजी यांचे संबंध, संभाजी महाराजांना अडचणीत आणण्यासाठी करण्यात आलेली कारस्थाने व ती असफल ठरविण्यासाठी शंभूराजांनी दाखविलेली मुत्सद्देगिरी, दूरदृष्टी याची प्रचिती यातून येते.

शिवाजी महाराजांच्या रणनीतीनुसार शंभूराजे दिलेर खानला जाऊन मिळाल्यानंतरचे प्रसंग, दिलेर खानाच्या तावडीतून सुटका केल्यानंतर पन्हाळगडावर राजांसोबतच्या चर्चा, राज्यांच्या मृत्यूनंतर त्यांचा राज्याभिषेक व त्यानंतर स्वराज्य राखण्यासाठी, रयतेच्या सुखासाठी केलेल्या उपाययोजना, नावीन्यपूर्ण प्रकल्प यांची माहिती या पुस्तकात दिली आहे.

पुस्तक : खरा संभाजी
लेखक : प्रा. नामदेवराव जाधव
प्रकाशक : राजमाता प्रकाशन
पाने : २०६
किंमत : २२० रुपये

(हे पुस्तक ‘बुकगंगा डॉट कॉम’वरून घरपोच मागवण्यासाठी, तसेच त्याचे ई-बुक खरेदी करण्यासाठी खालील लिंकवर क्लिक करा.)

(छत्रपती संभाजी महाराज संस्कृत साहित्य या पुस्तकाविषयी वाचण्यासाठी आणि ते पुस्तक खरेदी करण्यासाठी येथे क्लिक करा.)