जीवनात यशापयश, चढ-उतार हे चक्र सुरूच असते. अपयश आले म्हणून खचून जाता यशस्वी होण्यासाठी कठोर मेहनत, वेळेचा सदुपयोग, ठाम विश्वास याची गरज असते. यासाठी बालपणापासूनचे संस्कारही महत्त्वाचे ठरतात. यशासाठी काय हवे याबद्दल ‘यशस्वी भव’ या पुस्तकात धनराज खरटमल यांनी छोटे छोटे मुद्दे सांगितले आहेत. अनेक उदाहरणांद्वारे त्यांनी यशाची वाट दाखवली आहे. जन्माला येत असतानाच आपल्यात लढाऊ वृत्ती कशी असते, हे प्रथम सांगून याच बाण्याचा वापर पुढे कसा होतो, हे त्यांनी स्पष्ट केले आहे. महत्त्वाकांक्षा ठेवून कामालालागणे, बुद्धीचा वापर चौकसपणे करणे, गुणवत्ता ही कोणाची मक्तेदारी असून, प्रचंड चिकाटी ही यशाची पहिली पायरी असल्याचे त्यांनी सूचित केले आहे. प्रोत्साहित करणारे वातावरण, सतत नव्या संधी शोधणे, कष्टाची व प्रयत्नांची कास न सोडणे, संघर्ष व मेहनतीला पर्याय नाही, मिळेल त्या संधीचा लाभ घेणे, ‘डोक्यावर बर्फ व तोंडात साखर’ अशी वृत्ती ठेवणे असे अनेक मुद्दे खरटमल यांनी उदाहरणांसह स्पष्ट केले आहेत.

पुस्तक : यशस्वी भव

लेखक : धनराज खरटमल

प्रकाशक : भाष्य प्रकाशन

पृष्ठे : १५२

मूल्य : २०० रुपये